တောင်ပတ်လည်ကြားက ယူနန်ရွှင်ထျန့်ရှိ ကျေးရွာလေးသည် ယခုအခါ တိုးတက်ဖွံ့ဖြိုးသည့် ရုပ်သဏ္ဌာန်သစ် ဖြစ်လာ

တာ့သီးရွာသည် ယူနန်ပြည်နယ်ရွှင်ထျန့်ဟွေ၊ ယီတိုင်းရင်းသားကိုယ်ပိုင်အုပ်ချုပ်ခွင့်ရခရိုင်တွင် တည်ရှိ သော ကျေးရွာတစ်ရွာဖြစ်ပြီး ပတ်ပတ်လည် တောင်ကြီးများ ဝန်းရံလျက်ရှိသည်။ ရွာသူရွာသားများ၏ ယခင်နေအိမ်သည် မြေအုတ်ခဲဖြင့် တည်ဆောက်ထားခြင်းဖြစ်ပြီး လမ်းကြောင်းအခြေအနေလည်း အလွန်ဆိုးဝါးပါသည်။ ယခုအချိန်တွင် အစိုးရဌာနအဆင့်ဆင့်၏ ကူညီထောက်ပံ့မှုကြောင့် တာ့သီးရွာ သည် ကတ္တရာလမ်းဖောက်လုပ်ထားပြီးဖြစ်ကာ ရွာသူရွာသားများသည်လည်း နေအိမ်သစ်သို့ ရွှေ့ပြောင်း နေထိုင်ကြပြီဖြစ်သည်။ ထို့ပြင် စိုက်ပျိုးရေးနှင့်မွေးမြူရေးလုပ်ငန်း ဆောင်ရွက်ခြင်းအားဖြင့် ရွာသူရွာသား များ၏ နေထိုင်မှုဘဝသည်လည်း တဖြည်းဖြည်း ချမ်းသာလာကြပါသည်။

သတင်းအရင်းအမြစ်၊ ဆင်ဟွာသတင်းဌာန။
ဘာသာပြန်၊ Yunnan Gateway.