တရုတ်-လာအို ရထားလမ်း၏ လာအိုနိုင်ငံအပိုင်း ခရီးသည်ပို့ဆောင်ရေးဝန်ဆောင်မှုသတင်းအချက်အလက်စနစ် စမ်းသပ်မှု ပြီးမြောက်
2021-11-23 source:ဆင်ဟွာ



တရုတ်-လာအို ရထားလမ်း၏ လာအိုနိုင်ငံ မြို့တော် ဗီယင်ကျန်းဘူတာရုံအတွင်းရှိ ရထား သတင်းအချက်အလက်ပြ ဖန်သားပြင်အား နိုဝင်ဘာ ၂၀ ရက်က တွေ့ရစဉ်(LCRC/Handout via Xinhua)


တရုတ်-လာအို ရထားလမ်း၏ လာအိုနိုင်ငံအပိုင်း ခရီးသည်ပို့ဆောင်ရေး ဝန်ဆောင်မှု သတင်းအချက်အလက်စနစ် စမ်းသပ်မှုလုပ်ငန်းများ ပြီးခဲ့သည့်ရက်က အောင်မြင်စွာပြီးဆုံးခဲ့ကြောင်း သိရသည်။ စမ်းသပ်မှုတွင် ရထားလမ်းကြောင်းတစ်လျှောက်ရှိ အသစ်တည်ဆောက်သည့် ဘူတာများအားလုံး၌ ခရီးသည်ပို့ဆောင်ရေး ဝန်ဆောင်မှုသတ်မှတ်ချက်နှင့်ကိုက်ညီပြီး တရုတ်-လာအိုရထားလမ်း အရည်အသွေးမြင့် ဖွင့်လှစ်နိုင်ရေးအာမခံဖြစ်စေခဲ့ကြောင်း သိရသည်။


တရုတ်-လာအို ရထားလမ်း၏ လာအိုနိုင်ငံ မြို့တော် ဗီယင်ကျန်းဘူတာရုံ ခရီးသည်နားနေစောင့်ဆိုင်းရာခန်းမအား နိုဝင်ဘာ ၂၀ ရက်က တွေ့ရစဉ်(LCRC/Handout via Xinhua)


တရုတ်-လာအို ရထားလမ်း၏ လာအိုနိုင်ငံ မြို့တော် ဗီယင်ကျန်းဘူတာရုံ ခရီးသည်နားနေစောင့်ဆိုင်းရာခန်းမအား နိုဝင်ဘာ ၂၀ ရက်က တွေ့ရစဉ်(LCRC/Handout via Xinhua)


China Railway Construction Corporation (CRCC)က တာဝန်ယူတည်ဆောက်ပြီး China Railway Eryuan Engineering Groupက ဒီဇိုင်းရေးဆွဲသည့် ခရီးသည်ပို့ဆောင်ရေးဝန်ဆောင်မှုတွင် ရထားလက်မှတ်စနစ်၊ ဘူတာ၌စုစည်းစီမံခန့်ခွဲမှုပလက်ဖောင်း၊ အသံလွှင့်စနစ်၊ အထွေထွေပြသမှုစနစ်၊ ဗွီဒီယိုစောင့်ကြည့်ရေးစနစ် စသည်တို့ပါဝင်သည်။


ကိုဗစ်ကပ်ရောဂါ သက်ရောက်မှုကြောင့် လာအိုနိုင်ငံ ဒေသများ၌ ကပ်ရောဂါကာကွယ်ထိန်းချုပ်ရေးနည်းလမ်းများ ထပ်တိုးတင်းကျပ်လျက်ရှိရာ စမ်းသပ်မှုလုပ်ငန်းအတွက် အခက်အခဲရှိစေခဲ့ကြောင်း သိရသည်။ ထို့အတွက် စီမံကိန်းဌာနက သီးသန့် စမ်းသပ်မှုလုပ်ငန်း အစီအစဉ်ကို ရေးဆွဲပြီး အွန်းလိုင်းမှတစ်ဆင့် နည်းပညာအပိုင်းကို ညွှန်ကြားခဲ့ပြသခဲ့ကာ ဗီယင်ကျန်းကြီးကြပ်ညွှန်ကြားမှုစင်တာကို အဓိကထား၍ ဘူတာရုံအသီးသီး၏ပါဝင်မှု၊ စိစစ်စမ်းသပ်သူနှင့်လုပ်ငန်းခွင်ဝန်ထမ်းများက ဗီဒီယိုဖြင့်ချိတ်ဆက်ဆောင်ရွက်ခဲ့ရာ စမ်းသပ်မှုလုပ်ငန်းအား ကောင်းမွန်ထိရောက်အောင် မြင့်တင်ဆောင်ရွက်နိုင်ခဲ့ကြောင်း သိရသည်။


လက်ရှိတွင် တရုတ်-လာအိုရထားလမ်း ၏ လာအိုနိုင်ငံအပိုင်း ဘူတာရုံ ၁၀ ခုရှိ ခရီးသည်ဝန်ဆောင်မှု စက်ပစ္စည်းကိရိယာများ လျှပ်စစ်ဖြင့် စမ်းသပ်လည်ပတ်ပြီး ဖြစ်သလို ခရီးသည်ပို့ဆောင်ရေးဝန်ထမ်းများအား လမ်းကြောင်းတစ်လျှောက်ရှိ ဘူတာများတွင် စီစဉ်ရောက်ရှိနေပြီဖြစ်ကြောင်း၊ အချို့စနစ်များကို အသေးစိတ် စမ်းသပ်ခြင်း လုပ်ငန်းများ ဆောင်ရွက်လျက်ရှိရာ ယခုနှစ် ဒီဇင်ဘာလတွင် ဖွင့်လှစ်ပြေးဆွဲနိုင်ရန်အတွက် ဘက်စုံ အသင့်ပြင်ထားကြောင်း သိရသည်။ (Xinhua)