ထိုင်းနိုင်ငံ ဘုရင် မဟာဗာဂျီရယ်လောင်ကွန်းက ထိုင်းနိုင်ငံ နှင့် တရုတ်နိုင်ငံသည် ချစ်ကြည်ရင်းနှီးသော အိမ်နီးချင်းများ ဖြစ်ကြောင်း ၊ ထိုင်းနိုင်ငံအနေဖြင့် တရုတ်နိုင်ငံနှင့် ချစ်ကြည်ရင်းနှီးသော ဆက်ဆံရေးများ နှင့် ပူးပေါင်းဆောင်ရွက်မှုများကို ပိုမိုမြှင့်တင်ရန် ဆန္ဒရှိကြောင်း ပြောကြားခဲ့သည်။

ထိုင်းဘုရင်သည် ဘန်ကောက်မြို့ရှိ Dusit နန်းတော်၌ မကြာသေးမီက ထိုင်းနိုင်ငံဆိုင်ရာ တရုတ်သံအမတ်သစ် Han Zhiqiang ၏ သံအမတ်ခန့်အပ်လွှာပေးအပ်တင်သွင်းခြင်းအခမ်းအနား၌ အထက်ပါအတိုင်းပြောကြားခဲ့ခြင်းဖြစ်သည်။

ထိုင်းဘုရင်က မကြာမီကာလအတွင်း တရုတ်နိုင်ငံသို့ ထပ်မံသွားရောက်ရန် နောက်ထပ်အခွင့်အရေးကို မျှော်လင့်ပါကြောင်း ပြောကြားခဲ့သည်။

ထိုင်းနိုင်ငံဆိုင်ရာ တရုတ်သံအမတ်အသစ် Han က တရုတ်နိုင်ငံ နှင့် ထိုင်းနိုင်ငံတို့သည် အိမ်နီးချင်းကောင်း ၊ မိတ်ဆွေကောင်း နှင့် ဆွေမျိုးများ ဖြစ်ကြောင်း ၊ တရုတ်နိုင်ငံသည် ထိုင်းနိုင်ငံနှင့် ချစ်ကြည်ရင်းနှီးသော ဆက်ဆံရေးအား ဖော်ဆောင်ရန် အလွန်အရေးကြီးကြောင်း ပြောကြားခဲ့သည်။

C0VID-19 စိန်ခေါ်မှုများအား ရင်ဆိုင်ရာတွင် တရုတ်နိုင်ငံ နှင့် ထိုင်းနိုင်ငံတို့သည် ကပ်ရောဂါတိုက်ဖျက်ရေး နှင့် စီးပွားရေး ပြန်လည်ဦးမော့လာစေရေး လက်တွဲဆောင်ရွက်ခဲ့ကြောင်း ၊ နှစ်နိုင်ငံအကြား ချစ်ကြည်ရင်းနှီးမှုနှောင်ကြိုးသည် မိသားစုတစ်ခုတည်းပမာ ရင်းနှီးလာပြီး အချိန်ကြာလာသည်နှင့်အမျှ ပိုမိုအားကောင်းလာကြောင်း သံအမတ်အသစ် Han က ပြောကြားခဲ့သည်။ (Xinhua)