ကူမင်းတွင် လေဆိပ်ဝေဟင်လေကြောင်းဘေးကင်းကာကွယ်ရေး အထူးစီမံထိန်းချုပ်ရေး လုပ်ငန်းအား စတင်ဆောင်ရွက်

ယခုနှစ် ဖေဖော်ဝါရီလမှစ၍ ကူမင်း Changshui လေဆိပ်တွင် မောင်းသူမဲ့ယာဉ်များ ကြောင့် လေကြောင်းအနှောင့်အယှက်ဖြစ်စေမှုဖြစ်ရပ်များ မကြာခဏဖြစ်ပွားလျက်ရှိရာ လေကြောင်းပျံသန်းခြင်း လုံခြုံရေးကို များစွာအနှောင့်အယှက်ဖြစ်စေသည်။ လွန်ခဲ့သောရက်အနည်းငယ်တွင် ကူမင်းမြို့ အစိုးရရုံးမှ “ကူမင်း Changshui လေဆိပ် ဝေဟင် လေကြောင်းဘေးကင်းကာကွယ်ရေး အထူး စီမံထိန်းချုပ်ရေးလုပ်ငန်း စီမံကိန်း” အားချမှတ်ခဲ့ပြီး ဧပြီလ ၂၅ ရက်နေ့မှ ဇူလိုင်လ ၂၅ ရက်နေ့အတွင်း အထူးစီမံထိန်းချုပ်ရေးလုပ်ငန်းကို ဆောင်ရွက်၍ ဝေဟင်လေကြောင်း ကာကွယ်ရေးဇုန်အတွင်းသို့ ဝင်ရောက်လာသော မောင်းသူမဲ့လေယာဉ်၊ လေယာဉ်ပုံစံငယ်၊ မိုးပျံပူဖောင်း၊ စွန်၊ glider ၊ လေထီးနှင့် အခြားဝေဟင်သို့ တက်လာနိုင်သောအရာဝတ္ထုများ၊ ခိုလွှတ်ခြင်း စသည့်အန္တရာယ်များနှင့် အခြေ အနေများကို အဓိကစီမံထိန်းချုပ်မည်ဖြစ်သည်။

မောင်းသူမဲ့ယာဉ်အား သက်ဆိုင်ရာနယ်ပယ်မှ “အနိမ့်ပျံသန်းနိုင်ပြီး သေးငယ်၍ အမြန်နှုန်းနှေး သော” ပျံသန်းရေးစက်ကိရိယာအဖြစ်သတ်မှတ်သည်။ ထိုကဲ့သို့ အလေးချိန် 10 kg တောင်မရှိသည့် ပျံသန်းရေးကိရိယာများ ခရီးသည်တင်လေယာဉ်နှင့် အတက်အဆင်းတွင် ဝင်တိုက်မိပါက အရှိန်မပြင်း လျှင် လေယာဉ်ကိုယ်ထည်ကိုပျက်စီးစေနိုင်ပြီး အရှိန်ပြင်းပါက လေယာဉ်မတော်တဆမှုကို ဖြစ်စေ နိုင်သည်။